Иднината на Садио Мане беше главна тема пред финалето на Лигата на шампионите меѓу Ливерпул и Реал Мадрид. Сенегалецот вети дека ќе зборува на оваа тема по натпреварот, кој неговиот тим на крајот го загуби со 0-1.
Напаѓачот има договор со „црвените“ уште една сезона, а според пишувањата на медиумите во Германија тој летово ќе побара да се пресели во Баерн Минхен.
Мане проговори емотивно по поразот во Париз и посочи дека ова може да му биде последен меч со тимот од Мерсисајд.
„Беше тежок натпревар и разочарани сме. Навивачите беа неверојатни, сакам да им се заблагодарам за се, како и на тренерот. Му ги посакувам на овој тим сите успеси на светот”, изјави Мане.
