Роберто Манчини и фудбалската федерација на Саудиска Арабија се во преговори за раскин на договорот, објави „Ријад ТВ“. Италијанскиот тренер кон крајот на август 2023 година ја презеде саудиската репрезентација и со неа на 18 натпревари постигна седум победи, пет нерешени резултати и шест порази.
Иако Манчини доби поддршка од водечките лица на саудискиот фудбал по поразот од Јапонија (0-2) на 10 октомври во квалификациите за Светското првенство, пет дена подоцна следеше нерешен резултат на домашен терен со Бахреин (0-0), што предизвика големи критики од навивачите на стадионот поради слабите резултати.
Според информациите на „Кориере дела сера“, Манчини заработува 30 милиони евра годишно како селектор на Саудиска Арабија, а неговиот договор е валиден до летото 2027 година.
Медиумите на Островот тврдат дека е пронајден заеднички начин за раскин на договорот, со што Манчини би добил околу 70 милиони евра како отпремнина. Тоа би била најголемата отпремнина некогаш исплатена на еден фудбалски тренер.
