Италија со 2-1 ја совлада Австрија по продолженија во осминафиналниот дуел на „Вембли“. Резервистите Федерико Киеза и Матео Песина беа стрелци на головите во 95. и во 105.минута, а намали Саша Калајџиќ на шест минути пред крајот.
Се измачија „аѕурите“ за да стигнат до победата, но селекторот Роберто Манчини смета дека потполно ја заслужиле.
„Бевме подобар тим и ја заслуживме победата. Австрија многу ни го отежна патот. Беа одлични, а ние паднавме во второто поливреме. Но, среќни сме, одиме понатаму. Белгија или Португалија? Двете селекции се фантастични, кој и да биде наш ривал, ќе ни биде ѓаволски тешко во Минхен“, изјави Роберто Манчини по пласманот на Италија меѓу осумте најдобри селекции на Стариот континент.
