Селекторот на Италија, Роберто Манчини го објави списокот на фудбалери на кои ќе смета за баражот против Македонија на 24 март во Палермо. Донарума на голот, Кјелини и Бонучи во одбраната, Верати и Жоргињо во средниот ред, Инсиње, Имобиле во нападот се само дел од адутите.
На списокот е и Мануел Локатели, кој во моментот е позитивен на Ковид-19, а иако имаше најави, не е повикан Марио Балотели.
Европскиот првак Италија ќе ја пречека Македонија на стадионот „Ренцо Барбера“ во Палермо на 24 март.
Списокот на Италија
Голмани: Џанлуиџи Донарума (Пари Сен Жермен), Пјерлуиџи Голини (Тотенхем), Салваторе Сиригу (Џенова), Алесио Крањо (Калјари)
Одбрана: Франческо Ачерби (Лацио), Алесандро Бастони (Интер), Кристијано Бираги (Фиорентина), Леонардо Бонучи (Јувентус), Џорџо Киелини (Јувентус), Џовани Ди Лоренцо (Неапол), Емерсон Палмиери (Лион), Алесандро Флоренци (Милан) , Луис Фелипе (Лацио), Џанлука Мансини (Рома);
Среден ред: Николо Барела (Интер), Брајан Кристанте (Рома), Жоргињо (Челси), Мануел Локатели (Јувентус), Лоренцо Пелегрини (Рома), Матео Песина (Аталанта), Стефано Сенси (Сампдорија), Сандро Тонали (Милан), Марко Верати (Пари Сен Жермен);
Напад: Андреа Белоти (Торино), Доменико Берарди (Сасуоло), Чиро Имобиле (Лацио), Лоренцо Инсиње (Наполи), Жоао Педро (Калјари), Матео Политано (Наполи), Џакомо Распадори (Сасуоло), Џанлука Скамака (Сасуоло) Матија Закањи (Лацио), Николо Заниоло (Рoмa).
