Англискиот првак Манчестер Сити не се откажува од идејата да го купи напаѓачот на Тотенхем и капитен на англискиот национален тим, Хари Кејн. Според информациите од Островот, „граѓаните“ имаат подготвено 150 милиони евра и ќе ја достават понудата во Лондон.
Сити со ангажманот на Џек Грилиш го оствари најголемиот трансфер во Премиер – лигата, а сега повторно би направил нов рекорден трансфер доколку успее да го убеди Тотенхем да го продаде одличниот напаѓач.
Хари Кејн се приклучи на тренинзите на Тотенхем, а Манчестер Сити чека погоден момент за да ја достави најновата понуда.
