Англискиот и европски првак Манчестер Сити испрати нова понуда за играчот од средниот ред на Вулверхемптон, Матеус Нуњес. Првично беа одбиени 50 милиони евра, а сега „граѓаните“ ја зголемија сумата на 60 милиони.
Португалецот останува главна цел на англискиот шампион и овојпат Гвардиола и раководството се чувствуваат сигурни во договорот, со тоа што играчот веќе ги прифатил условите што му беа понудени.
Нуњес пристигна во Вулверхемптон пред една година за 45 милиони евра од Спортинг Лисабон.
