Манчестер јунајтед сака нови засилувања за навалната линија, а медиумите на Островот најавуваат дека тоа ќе бидат напаѓачот на Штутгарт, Саша Калајџиќ и Бенјамин Шешко од Салцбург.
Калајџиќ е достапен за 20 милиони евра и неговиот трансфер не би требало да претставува проблем, но Шешко е еден од најталентираните европски напаѓачи, има само 19 години и во моментот е проценет на 65 милиони евра.
Во игра за Ерик тен Хаг се уште е и неговиот пулен од Ајакс, Бразилецот Ентони, но клубот од Амстердам за него бара 100 милиони евра.
