Оле Гунар Солскјер ги одбројува последните денови на клупата на Манчестер Јунајтед. Дебаклот од Ливерпул (0-5) на „Олф Трафорд“ е премногу голем срам за раководството на клубот да му дозволи да го води тимот до крајот на сезонта. Веќе некое време се шпекулира со имиња за негов наследник, а најсериозна опција засега е италијанскиот стратег Антонио Конте.
Сепак, шпански медиуми пишуваат дека клубот веќе стапил во контакт со Зинедин Зидан, францускиот стручњак кој со Реал Мадрид освоено дури три титули во Лигата на шампионите.
Зидан летово го напушти Реал Мадрид и оттогаш е без клуб. Според англиските медиуми, важен аргумент во корист на Зидан е враќањето на Кристијано Роналдо во тимот, што би ја обновило одличната соработка од Мадрид. Покрај тоа, Зидан е еден од ретките тренери кои би можеле да го „разбудат“ Пол Погба и да помогнат во преговорите за негово останување во Јунајтед.
