Манчестер Јунајтед покажува сериозен интерес за дефанзивецот на Галатасарај, Маркао, тврди турскиот весник „Фанатик“. „Црвените ѓаволи“ подготвуваат предлог вреден 25 милиони евра за бразилскиот централен дефанзивец.
Маркао на почетокот на сезоната влезе во сериозен скандал. Тој на натпреварот со Гиресунспор го удри соиграчот Керем Актјуркоглу за што беше казнет со осум натпревари.
Поради оваа причина, Бразилецот есента одигра само 10 натпревари во Суперлигата, но во исто време беше стартер за Галатасарај во групната фаза од Лига Европа.
