Англискиот премиерлигаш Манчестер Јунајтед е заинтересиран за потписот на ѕвездата на Лидс и англиски репрезентативец, Калвин Филипс. Тој игра одлична сезона во дресот на Лидс, иако неговиот тим се бори за опстанок во елитното англиско друштво.
Медиумите на Островот пренесуваат дека Филипс ќе биде трансферна цел број еден на „црвените ѓаволи“ и дека раководството на клубот почнало да работи на трансферот. Овој трансфер го одобрил и Ерик тен Хаг, кој ќе седне на клупата на „ѓаволите“ од следната сезона.
Лидс Јунајтед за својата ѕвезда бара 50 милиони фунти, а Манчестер Јунајтед е подготвен да плати за реализација на трансферот.
