Англискиот премиерлигаш Манчестер Јунајтед сака да се засили на кадровски план. „Пикиран“ е директорот за фудбалски операции на францускиот прволигаш Лил, Луис Кампос. Тој одлично ја врши својата работа во клубот, а го привлече вниманието на раководството на Јунајтед со неколку паметни потези. Сега би сакале да го имаат како дел од кадровскиот тим на „Олд Трафорд“.
Челниците на Манчестер Јунајтед сакаат да го ангажираат Луис Кампос, затоа што во последниот период ја губат трката за ангажман на младите француски фудбалери, кои пристигнуваат во други клубови во Премиер – лигата. Флорент Идалесио потпиша за Њукасл, а младиот Филип Стевановиќ е пред потпис со Манчестер Сити. И за двајцата наддаваше и Манчестер Јунајтед, но очигледно ја изгуби битката.
