Италијанскиот гигант Милан по неколку години се враќа во Лигата на шампионите, а раководството на клубот се обидува да состави ростер кој ќе може да биде конкурентен и за нешто повеќе од учество во елитата. Евидентно е дека „росонерите“ ќе го загубат Хакан Чалханоглу кој како слободен играч ќе се пресели во Интер па веднаш тргнаа по негов наследник.
Тоа би можел да биде поранешниот фудбалер на Интер, Ливерпул и на Барселона, Фелипе Кутињо. Бразилецот на излезна врата од „Камп Ноу“, каталонскиот гигант за него бара отштета од 40 милиони евра, но Паоло Малдини ќе се обиде да го доведе на едногодишна позајмица со опција за целосен откуп на договорот.
