Фудбалската репрезентација на Македонија пристигна во Абу Даби и го одржа првиот тренинг во пресрет на саботниот пријателски натпревар против Саудиска Арабија. Младинскиот репрезентативец Методи Максимов доби шанса во сениорскиот национален тим и вели дека тој и соиграчите треба да докажат дека селекторот Благоја Милевски може да смета на нив во иднина.
„Ги почнуваме подготовките овде во Абу Даби за натпреварот против Саудиска Арабија. Тоа секако ќе биде голем тест за нас. Сакаме да докажеме дека селекторот Благоја Милевски може да смета на нас“, изјави Максимов.
