МАКФУДБАЛ ТРЕНЕР на колото: Горан Станиќ

Работнички по подолго време го почувствува вкусот на триумфот, и тоа во градското дерби против Вардар. „Романтичарите“ славеа со 2-0, а враќањето на Горан Станиќ на клупата се покажува како клучен потег во финишот на сезоната.

На претходниот меч со Воска, тимот ремизираше 1-1, а на Работнички, како што потврди и анализата на ФФМ, не му беше признат регуларен гол, веројатно за победа.

Но, старите велат, што е твое ќе си дојде, па за Горан Станиќ и за фудбалерите на Работнички дојде како награда токму на дербито со Вардар.

МАКФУДБАЛ го избра Горан Станиќ за најдобар тренер на 27.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.