Кит го го направи најголемото изненадување во 13. коло во Втората лига Исток. Успеа да го совлада Тиквеш на гости со 1-4 и го сопре победничкиот чекор на кавадаречкиот состав.
Со мудра игра, цврста и организирана одбрана, подвижен среден ред, гостите од Пехчево успеаја да го наутрализираат домаќинот. Еден од најзабележителните играчи во тимот на Кит Го беше дарко Алексовски.
Борбен и бескомпромисен, одличен организатор, но и закана кон противничкиот гол. Успеа да постигне и погодок и да ја заокружи на најдобар начин одличната игра. Заслужи да биде МАКФУДБАЛ – ИГРАЧ на 13.коло во вторите лиги во изборот на МАКФУДБАЛ.
