Фудбалската репрезентација на Македонија бележи пад од десет позиции на најновиот ранкинг на листата на ФИФА. Ова е плод на поразите на Македонија на Европското првенство.
На ранг-листата на ФИФА објавена денеска, македонскиот национален тим се најде на 72. место. Овој пласман е за 10 позиции послаб од претходните рангирања на 7. април и на 27. мај.
Од ривалите на Македонија во квалификациите за СП 2022, најдоброрангирана е Германија (16), Романија е 45., Исланд е на 53.место. Ерменија се наоѓа на 88. позиција, додека аутсајдерот Лихтенштајн е на 189. место.
На ФИФА – листата и понатаму прворангирана е Белгија, пред Бразил и пред Франција. Во Топ 10 уште се и Англија, Италија, Аргентина, Шпанија, Португалија, Мексико и САД.
