Фудбалската репрезентација на Македонија бележи пад од три позиции на најновата ранкинг листа на ФИФА. Сега националниот тим се наоѓа на 68.позиција, а 2023 година ја заврши на 65.место.
Ова се должи на раздвижувањето во ранкингот на селекциите надвор од Европа кои беа многу поактивни во овој период, со одржувањето на Африканскиот куп на нации и на Азискиот куп.
На врвот на ФИФА листата нема промени. Најдоброрангирана светска селекција е Аргентина, пред Франција, Англија, Белгија и пред Бразил.
