Фудбалската репрезентација на Македонија ќе биде пласирана на 23. позиција на Европското првенство, откако се најде меѓу осумте селекции кои испаднаа по првата фаза од турнирот. Македонскиот национален тим забележа три порази во исто толку натпревари и имаше негативна гол – разлика (2-8). Единствено послаби од нас се Турците кои исто така примија осум гола, но постигнаа само еден. Тоа се и двете репрезентации кои не успеаја да освојат ниту еден бод.
Елиминација во групната фаза доживеаја и Русија, Унгарија, Шкотска, Словачка, Финска и Полска.
