Македонскиот прволигаш Македонија ЃП упати жестоки критики кон судијата Стојанче Стојанов, но ги нападна и челниците на Судиската организација, поради недосудениот пенал на денешниот меч против Гостивар, кој „лавовите“ го загубија со 1-0.
„Не е само Стојанче Стојанов виновник за ваквите ситуации во 1 МФЛ. МАРЈАН РИСТЕСКИ и оваа СУДИСКА ОРГАНИЗАЦИЈА НА ФФМ се поголеми виновници и воедно потврдија дека се најслабата судиска во историјата на ФФМ, без никаков авторитет.
МАРЈАН РИСТЕСКИ и ДИМИТАР МЕЧКАРОВСКИ време е за оставки“, истакнаа од Македонија ЃП.
