Лукас Васкез нема да добие понуда за продолжување на договорот од Реал Мадрид. Како што открива „Ас“, Флорентино Перез по најновите преговори со фудбалерот сепак одлучил дека најдобро ќе биде клубот да побара друго решение за следната сезона.
Интересно е дека оваа одлука индиректно е порака и за тренерот Зинедин Зидан. Францускиот стратег побара од Флорентино Перез да го задржи Лукас Васкез најмалку уште една сезона, но очигледно дека првиот човек на „кралскиот клуб“ има други планови. Можеби и за тренерската позиција?!
