Реал Мадрид го победи Кадиз со 2-1, а Лука Модриќ ќе го памети овој дуел на „Сантијаго Бернабеу“ по веројатно најголемото промашување во кариерата.
Во 79. минута капитенот на хрватската репрезентација пропушти неверојатна шанса за да зголеми на 3-0 за Реал. Винисиус Јуниор одлично продре по левата страна, испрати топка на вториот дирек каде Модриќ беше сам и требаше само да ја пласира топката во празната мрежа. Сепак, тој од пет метри шутираше крај голот.
Ниту Модриќ не можеше да поверува дека промаши, па очајно се фрли на тревата.
