Луис Суарез „мистер 150“ во Ла Лига

Уругвајскиот интернационалец Луис Суарез оствари врвно достигнување во Ла Лига. Со погодокот против Селта Виго тој стигна до 150 постигнати голови во шпанскиот шампионат. 

Суарез до оваа феноменална бројка дојде со одиграни 195 натпревари во елитната дивизија во Шпанија и е втор најдобар во историјата. Само Кристијано Роналдо има постигнато 150 гола во Шпанија за помалку мечеви. Португалецот тоа го остварил со 140 одиграни натпревари.