Тренерот на Пари Сен Жермен, Луис Енрике, беше задоволен од победата од 1-0 против Џирона на стартот во Лигата на шампионите. Тој изјави дека за неговиот тим било важно да го започне турнирот со победа. Шпанецот, сепак, имаше неколку забелешки за изведбата на неговиот состав.
„Започнавме премногу бавно, бевме расеани и направивме премногу грешки во додавањата. Џирона покажа зошто успеа да се пласира во Лигата на шампионите, тие се квалитетен тим. Почетокот не ми се допадна, но по паузата бев многу позадоволен. Имавме две-три чисти шанси кои требаше да ги реализираме, но не успеавме. Не го видов добро голот, но важно е дека ги освоивме трите бода. Навивачите не престанаа да нѐ поддржуваат од првата до 90-тата минута,“ изјави Енрике.
„Секогаш е важно да започнеш со победа, без разлика во кое натпреварување играш. Не можеме да предвидиме како ќе се развиваат работите, особено кога гледам против кои противници ќе ги сретнеме,“ додаде тренерот на ПСЖ.
Потоа тој сподели уште позитивни зборови за Џирона и какви се нивните шанси за понатамошен пласман.
„Тие имаат фантастични шанси да се пласираат понатаму. Нивната идеја за фудбалот е целосно јасна, без заобиколување. Она што тие го претставуваат, идеите и работата на нивниот тренер, со сигурност им дава одлични шанси да продолжат понатаму“, заврши Шпанецот.
