Францускиот шампион Пари Сен Жермен размислува да го казни крилниот напаѓач Oсман Дембеле, кој е изоставен од составот на тимот за натпреварот против Арсенал во Лигата на шампионите оваа вечер. Тренерот Луис Енрике одлучи привремено да го отстрани францускиот репрезентативец поради недостаток на посветеност на тренинзите, нагласувајќи дека Дембеле е должен на своите соиграчи повеќе да се ангажира.
„Доколку некој не ги почитува своите обврски кон тимот и не е подготвен, не може да игра. Сакам моите играчи да бидат во најдобра форма“, изјави Енрике, објаснувајќи ја својата одлука за исклучувањето на Дембеле.
Тренерот категорично негираше постоење на конфликт со играчот.
„Нема никаков конфликт, тоа е целосна невистина. Станува збор за недостаток на ангажираност од страна на играчот кон тимот, а не проблем со тренерот“, додаде Луис Енрике.
Отстранувањето на Oсман Дембеле е изненадувачко, со оглед на тоа што од почетокот на сезоната тој е еден од најдобрите играчи на ПСЖ, постигнувајќи четири гола и три асистенции во Лига 1.
