Лудница за дресот на Меси: Сите се распродадени за рекордно време!

Пристигнувањето на Лионел Меси во ПСЖ предизвика неверојатна еуфорија меѓу навивачите на парискиот клуб. Еден од најголемите фудбалери на сите времиња вчера потпиша двегодишен договор, а навивачите на овој тим се пресреќни што Лео ќе го носи нивниот дрес.

The queue in front of the PSG shop this morning to buy Lionel Messi’s shirt!

(📽 @RemyBuisine)pic.twitter.com/Mu1PG0kP07

— Transfer News Live (@DeadlineDayLive) August 11, 2021

За какво лудило владее поради доаѓањето на аргентинската суперѕвезда доволно говори фактот дека дресовите што се појавија синоќа во продажба преку интернет се комплетно распродадени. За 30 минути исчезнаа сите сини дресови со број „30“, а за рекордно време од 20 минути исчезна и гостинската бела варијанта на дресот.

Сигурно е дека ПСЖ ќе добие многу од продажбата на дресови и сувенири со ликот на Меси, а за нив доаѓањето на Лео во клубот е огромна добивка во областа на маркетингот.

The PSG away shirt with Messi on the back sold out in 20 minutes. 😮 pic.twitter.com/sC17e8dPFy

— Football Tweet (@Football__Tweet) August 11, 2021

Цената на дресот во официјалната продавница на ПСЖ е 108 евра, а некои фанови веднаш одлучија да заработат. Оние кои успеаја да го „грабнат“ дресот, сега го препродаваат по рекордни цени кои достигнуваат неколку илјади евра.

Оние кои не успеаја да го добијат дресот преку интернет утрово од раните утрински часови чекаат ред да го купат дресот, а сцените пред клупската продавница се неверојатни.

Исто така, билетите за вториот натпревар сезонава против Стразбур пламнаа за миг, а на црниот пазар може да се купат за огромни суми кои достигнуваат и до 1.500 евра.