Реал Сосиедад оствари важен триумф на гости (0-2) против Салцбург во второто коло од групата Д во Лигата на шампионите. Шпанскиот тим поведе со голот на Микел Ојарзабал во седмата минута, а вториот погодок беше дело на Браис Мендес.
Брага со голем пресврт победи со 2-3 против Унион Берлин на гостувањето во Германија. Унион Берлин имаше водство од 2-0, со головите на капитенот Шералдо Бекер, но надежта за Брага ја врати Сиду Нијакате во 41.минута.
Во вториот дел, Брума израмни на 2-2 во 51.минута, а во судиското продолжение од мечот Андре Кастро ги шокираше домаќините.
