Реал Мадрид го декласира Селтик со 5-1 на „Сантијаго Бернабеу“ и го потврди првото место во групата Ф од Лигата на шампионите. „Кралевите“ на крајот завршија со 13 бода, пред Лајпциг кој собра еден бод помалку. Лајпциг славеше убедливо (0-4) против Шахтјор Доњецк.
Лука Модриќ од пенал го отвори резултатот, а потоа и Родриго стрелаше од белата точка. Имаше и трет пенал, за Селтик, но Куртоа го одбрани ударот на Јурановиќ.
Во вториот дел серијата голови за Реал ја продолжија Марко Асенсио, Винисиус Жуниор и Феде Валверде, а Жота погоди од слободен удар за почесен погодок за Селтик.
Лајпциг со 0-4 го победи Шахтјор. Нкунку, Андре Силва и Шобошлаи стрелаа за Лајпциг, а Бондар си постигна автогол.
