Атлетико Мадрид го победи Лајпциг со 2-1 во првиот меч од новото издание во Лигата на шампионите. Елиф Елмас доби шанса во последните десетина минути, а Хозе Хименез во 90.минута му донесе триумф на домашниот тим.
Бењамин Шешко во четвртата минута го отвори резултатот, а израмни Антоан Гризман во 28.минута од дуелот.
Монако ја победи Барселона на домашен терен со 2-1. Ерик Гарсија доби црвен картон уште во 12.минута, па каталонскиот гигант речиси цел меч играше со фудбалер помалку.
Мањес Аклиуче во 16.минута донесе водство за Монако, а израмни Ламин Јамал со уште една негова мајсторија. Сепак, Монако дојде до триумф со голот на Џорџ Иленикена во 71.минута.
Аталанта и Арсенал одиграа без голови во Бергамо, а Матео Ретеги во 51.минута не реализира пенал за домашниот тим. Давид Раја го одбрани неговиот удар.
Брест го победи Штурм со 2-1 во историскиот прв натпревар во Лигата на шампионите.
