Галатасарај и ПСВ Ајндховен се блиску до пласман во плеј-оф колото во квалификациите за ЛШ. Галатасарај славеше со 0-3 на гости кај Олимпија Љубљана, а ПСВ Ајндховен на домашен терен го победи Штурм со 4-1.
Актуркоглу, Мертенс и Дервишоглу беа стрелци на головите за Галатасарај, а двоен стрелец за ПСВ беше искусниот Лук де Јонг. Погодија и Бабади и Сангаре.
Тимот на Клаксвик од Фарски Острови, хитот во овој дел од квалификациите, оствари уште еден успех. На домашен терен победи со 2-1 против Молде, со двата гола на Арни Фредериксберг.
Брага ја победи ТСЦ со 3-0, додека Копенхаген и Спарта Прага одиграа без голови.
