Европскиот првак Баерн Минхен ја оствари втората победа во новото издание од Лигата на шампионите славејќи против Локомотив Москва на гости со 1-2. Леон Горецка во 13.минута донесе водство за германскиот тим, Антон Миранчук израмни во 70., но, сепак, Џошуа Кимих девет минути подоцна погоди за триумф на Баерн.
Шахтјор Доњецк направи уште едно изненадување. Иако без половина состав, украинскиот тим ремизираше без голови против Интер. По триумфот над Реал Мадрид на гости, ова е џек-пот за Украинците по првите две кола во групата Б од елитното европско натпреварување.
