Еквадорскиот интернационалец Моисес Каиседо одбил да се пресели во Ливерпул, тврди „Скај Спортс“. И покрај тоа што „црвените“ го очекуваа на „Енфилд“ и беа подготвени да платат 110 милиони фунти за овој трансфер, сепак, добија негативен одговор од фудбалерот.
Играчот и неговите претставници се во Лондон и чекаат клубот од „Стемфорд Бриџ“ да упати нова понуда до Брајтон.
Од Челси го сакаат токму тоа – играчот да ја изрази желбата да се пресели кај „сините“ и да му ја соопшти на Брајтон.
„Галебите“ сакаат брз развој на трансферот и откако ја прифатија понудата на Ливерпул најавија дека повеќе нема да учествуваат во преговорите.
Ливерпул очекуваше репрезентативецот на Еквадор денеска да отпатува на „Енфилд Роуд“ за да ги помине медицинските прегледи. Сепак, такви прегледи не се закажани.
