Тренерот на Спортинг Лисабон, Рубен Аморим, јавно откри дека размислува за заминување, иако во моментот е фокусиран единствено на дербито со Бенфика на кое ќе се решава титулата во првенството на Португалија.
За одличниот португалски стратег се заинтересирани Ливерпул и Барселона.
„Не можам да гарантирам дека ќе останам. Спортинг се занимава со иднината, па не можам да одлучам. Дадов збор. Ако не освоиме трофеи, ќе си заминам. Бев јасен од самиот почеток. Мора да освојуваме трофеи. Така што не можам да гарантирам дека ќе останам“, сподели Аморим за португалските медиуми.
Ливерпул веќе воспостави контакт со агентите на Рубен Аморим и му најави дека во моментот е прва опција за наследник на Јирген Клоп, кој си заминува од „Енфилд“ на крајот од сезоната.
