Англискиот премиерлигаш Ливерпул сериозно размислува да се вклучи во трката за потпис на играчот од средниот ред на Брајтон, Мојсес Каиседо, пренесуваат медиумите на Островот.
21-годишниот Еквадорец беше блиску до трансфер во Челси и се очекуваше да се пресели кај „сините“ од Лондон. Во Ливерпул, пак, ситуацијата може наеднаш да се промени откако стана јасно дека Џордан Хендерсон и Фабињо многу веројатно ќе заминат во Саудиска Арабија.
Трансферите на двајцата ќе ги ограничат опциите за средниот ред на „црвените“ и токму поради оваа причина клубот размислува да го доведе Каиседо.
Сепак, зделката нема да биде лесна, бидејќи Брајтон сака 100 милиони фунти за својот играч и се чини дека немаат голема желба да отстапат од оваа цена.
