Ливерпул остана и без Фабињо, сега има само еден здрав стопер

Англискиот првак Ливерпул е во голема неволја откако на вечерашниот меч од Лигата на шампионите против Митјиланд се повреди и бразилскиот интернационалец Фабињо. Тој ја пополни огромната празнина на стоперската позиција по повредата на Вирџил ван Дајк, со оглед дека повреден е и Жоел Матип. 

Сега и Фабињо е во „аут“, а Јирген Клоп мораше да му даде шанса на младиот Рис Вилијамс кој е повикан напомош од резервниот состав. Сега единствен здрав стопер во редовите на Ливерпул е Џо Гомез.