Ливерпул подготвува втора понуда за централниот бек на Торино, Пер Шурс. „Тутоспорт“ откри дека „биковите“ ја одбиле понудата од 30 милиони евра од Англија.
Медиумите од Островот додаваат дека следната понуда ќе биде 40 милиони евра.
Менаџерот на Ливерпул, Јирген Клоп, веќе го засили својот тим со Алексис Мекалистер и Доминик Шобошлаи, но се вели дека сака уште две нови засилувања во овој преоден рок – централен дефанзивец и трет играч за врска.
Германецот го следи Шурс повеќе од две години и е убеден во неговите квалитети, кои дополнително би се развиле во соработка со неговиот сонародник Вирџил ван Дајк.
23-годишниот Холанѓанец имаше одлична прва сезона во Серија А, со 30 настапи во лигата за тимот на Торино. Сериозен интерес за него покажува и Вест Хем.
