Ливерпул го совлада Челси со 2-1 во дербито на „Енфилд Роуд“ и се врати на врвот на табелата во Премиер – лигата, со предност од еден бод пред Манчестер Сити. Тимот на Арне Слот одигра подобро и заслужено ги освои трите бода.
Мохамед Салах постигна гол од пенал во 29. минута, носејќи водство за Ливерпул.
На стартот од второто полувреме, Николас Џексон го израмни резултатот за Челси.
Сепак, радоста на Челси траеше кратко, бидејќи само три минути подоцна Кертис Џонс постигна гол кој се покажа како решавачки за победата на Ливерпул.
