Англискиот премиерлигаш Ливерпул го промовираше новото засилување Фабио Карваљо. Младиот 19-годишен Португалец доаѓа од Фулам каде лани имаше одлична сезона во Чемпионшип дивизијата.
„Чувството да се биде дел од еден од најголемите клубови во светот, ако не и најголемиот, е неверојатно. Се надевам дека ќе ја оправдам довербата и едвај чекам да ја почувствувам атмосферата на навивачите“, изјави Карваљо.
Португалецот минатата сезона постигна 10 гола и имаше девет асистенции во дресот на Фулам. Тој е трето засилување за тимот на Јирген Клоп по Дарвин Нуњез и Калвин Ремзи.
