Ливерпул и официјално објави дека е потпишан договор со Артур Мело од Јувентус. Бразилецот пристигнува на позајмица на една сезона. Според англиските медиуми, во договорот нема опција за откуп.
„Црвените“ ќе плаќаат голем дел од платата на играчот, која е 5 милиони евра годишно.
„Многу сум среќен што сум овде и што ќе го носам овој одличен дрес со овој познат амблем што претставува толку многу во светот на фудбалот. Тоа е сон“, изјави Артур по потпишувањето на договорот.
