
Дарко Велковски обезбеди место во групната фаза од Лигата на Европа откако во плеј-оф рундата со својата Ријека славеа со 0-1 на гостувањето против Копенхаген.
Хрватите до победата дојдоа со автоголот на Анкерсен во 20. минута од средбата.
Велковски го одигра целиот натпревар во одбраната на Ријека, за која не настапи, како што е познато поради повреда, младинскиот репрезентативец Милан Ристовски.
Пласман во групите од Лигата на Европа не обезбедија Бобан Николов и Висар Муслиу со унгарски Мол Фехервар кој со 3-1 загуби на гостувањето од Стандард во Белгија, и покрај тоа што имаше водство од 0-1 на полувремето. Николов и Муслиу ги одиграа сите 90 минути во унгарскиот состав.
Нема да има настап во Лигата на Европа и за Крсте Велкоски кој со Сараево загуби на домашен терен од шкотски Селтик со 0-1. Велкоски ги одигра последните пет минути за шампионот на БиХ.
Елиминирани се и поранешните вардарци, Филип Најдовски и Кристијан Тошевски кои со Тирана загубија убедливо со 3-0 од швајцарски Јанг Бојс.

-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум оствари важен триумф против Работнички на Националната арена „Тодор Проески“ и...
Автор makfudbal
-
(ИН)ДИРЕКТ: Јас би ја казнил Шкендија 59 меча да игра без публика!
Трагедијата во Кочани се случи, сигурно дека можеше да се превенира, но со оглед...
Автор Nikola Gjurovski

Евро-фудбал
Ако Реал денеска загуби, Анчелоти ќе добие отказ
