Барселона со пресврт славеше триумф (2-1) против Алавес и се наоѓа на третата позиција на табелата со 30 бода, два помалку од Реал и четири помалку од лидерот Џирона.
Алавес уште во првата минута со голот на Самуел Омородион ја изненади Барселона, а одговорот на каталонскиот тим дојде во второто полувреме.
Херојот беше Роберт Левандовски, кој го прекина постот и постигна два гола за триумф. Полскиот интернационалец во 53.минута го израмни резултатот, а потоа постигна и победнички гол во 78.минута од дуелот.
