Централниот дефанзивец на Манчестер Јунајтед, Лени Јоро, ќе биде надвор од терените во следните три месеци, објави клубот од Премиер – лигата.
18-годишниот играч имаше операција на ногата поради повредата што ја доби на пријателскиот натпревар со Арсенал минатиот месец. На истиот натпревар, одигран во САД, повреда заработи и напаѓачот Расмус Хјолунд, кој ќе се опоравува шест недели.
Во јули, Манчестер Јунајтед го ангажираше Лени Јоро од францускиот Лил, кој потпиша петгодишен договор.
