Англискиот премиерлигаш Вест Хем успеа да слави на гости кај ТСЦ во Бачка Топола со 0-1, со голот на Томаш Соучек во 89.минута од натпреварот. Со ова „чеканите“ и го задржаа првото место во групата пред Фрајбург. Германскиот тим го декласираше Олимпијакос со 5-0.
Брајтон исто така славеше со 0-1 на гости АЕК во Атина. Жоао Педро од пенал во 55.минута беше стрелец на победничкиот погодок.
Спарта Прага го победи Бетис со 1-0, со голот на Лукас Хараслин во 54.минута од мечот.
Рен беше убедлив на гости против Макаби Хаифа и победи со 0-3. Аталанта и Спортинг Лисабон одиграа 1-1. Скамака донесе предност за Аталанта, а израми Едвардс во вториот дел.
