Англискиот премиерлигаш Вест Хем го победи Фрајбург со 5-0 на домашен терен и се пласира во четвртфиналето на Лига Европа, иако по првиот меч имаше негатива од еден гол. Лукас Пакета го отвори резултатот, Џерод Боувен зголеми на 2-0, а третиот гол го постигна Кресвел. Во вториот дел двоен стрелец беше Мохамед Кудус.
Бенфика го победи Ренџерс на „Ајброкс“ со 0-1 со голот на Рафа Силва во 66.минута и успеа да обезбеди пласман понатаму бидејќи првиот меч во Португалија заврши 2-2.
Вилјареал славеше со 3-1 против Олимпик Марсеј, но францускиот клуб имаше 0-4 позитива од првиот дуел на „Велодром“.
Милан и на реваншот ја победи Славија Прага, овојпат со 1-3. Пулишиќ, Лофтус-Чик и Рафаел Леао беа стрелци на головите за „росонерите“, но Стефано Пиоли сигурно ќе жали за повредата на првиот голман Мајк Мењан.
