Лигата на шампионите понуди многу возбудувања, а вечерва на програмата се дуелите во Лигата на Европа и во Конференциската лига на УЕФА.
Македонските репрезентативци ги очекуваат важни дуели. Енис Барди со Трабзонспор е гостин на Црвена Звезда во Белград, а Езгјан Алиоски со Фенербахче ќе има директен дуел против Рен за првото место во групата и пласман во осминафиналето од ова натпреварување.
Во групата А, Арсенал гостува кај ПСВ Ајндховен во Холандија. „Топчиите“ веќе се во следната рунда, но сакаат да го освојат и првото место во групата, а за тоа им е доволно и да останат непоразени.
Во групата Е, Манчестер Јунајтед и Реал Сосиедад обезбедија пролетни настапи, но сега ќе се борат за првото место кое води директно во осминафиналната рунда.
