ЛЕ: Адеми и Динамо против Краснодар, Елмас и Наполи против Гранада

Аријан Адеми и Динамо Загреб на стартот од нокаут фазата ќе играат против рускиот Краснодар, додека Елиф Елмас со Наполи ќе оди на мегдан на шпанскиот тим Гранада. Вака одреди денешниот ждреб за 1/16-финалето во Лигата на Европа. 

Манчестер Јунајтед за противник го доби шпанскиот тим Реал Сосиедад, а Тотенхем вкрстува со австрискиот Волфсбергер. Арсенал налета на Бенфика.

Српскиот првак Црвена Звезда ќе ги одмери силите со италијанскиот калчолигаш Милан.