Македонија Ѓорче Петров е бранител на трофејот во Купот на Македонија, а утре ќе има тешка задача со оглед дека ќе гостува во Тетово во полуфиналната пресметка со Шкендија. Сепак, Стефан Лазаревиќ е оптимист и вели дека „лавовите“ патуваат со намера да обезбедат ново финале.
„Нашата цел е да го одбраниме Купот, Шкендија е фаворит во овој натпревар, но ние сме освојувачи и ќе одиме во Тетово тоа да го докажаме на терен и да играме повторно во финале“, изјави Лазаревиќ.
Во вториот полуфинален дуел, Струга ТЛ го пречекува тимот на Силекс.
