Актуелниот првак Интер во вистински момент покажа моќ и го победи убедливо (3-0) градскиот ривал Милан во полуфиналната пресметка за Купот на Италија. „Нероаѕурите“ во финалето ќе го очекуваат подобриот од двомечот меѓу Јувентус и Фиорентина.
Лаутаро Мартинез блесна во полн сјај на градското дерби и ги постигна првите два гола за Интер. Аргентинецот го отвори резултатот во четвртата минута, а потоа уште еднаш стрелаше во 40.минута за удвојување на предноста.
Конечниот епилог го постави Робин Госенс со погодокот во 82.минута од дуелот.
