Италијанскиот калчолигаш Лацио е заинтересиран за Бразилецот Давид Луиз кој го напушта Арсенал ова лето. Дефанзивецот не доби понуда за продолжување на договорот на „Емирати“ и многу е веројатно да се пресели во Серија А.
Менаџерот на Арсенал, Микел Артета, му се заблагодари на Давид Луиз за настапите во дресот на „топчиите“.
„Давид Луиз е играч со кого беше привилегија да работам. Тој има освоено се во кариерата и му посакувам се најдобро во иднина“, потврди Артета.
