Капитенот на Манчестер Јунајтед, Бруно Фернандеш, продолжи со серијата промашени удари од белата точка на натпреварот против Фулам во Премиер лигата.
Португалецот имаше идеална шанса да го доведе својот тим во водство, но не успеа да ја реализира, а вината делумно ја префрли врз судијата Крис Кавена.
Според него, контактот со арбитарот непосредно пред изведувањето му го нарушил ритуалот.
„Вознемирен бев. Кога изведуваш пенал имаш свој ритуал, свои работи што ги правиш. Ме вознемири тоа што судијата не ми се извини. Тоа ме испровоцира во моментот, но не е изговор зошто промашив. Лошо ја шутнав топката“, изјави Фернандеш по натпреварот.
Со овој кикс, Јунајтед пропушти уште една голема шанса за победа, а капитенот повторно е под зголемена критика за својата реализација од белата точка.
