Италијанскиот калчолигаш Лацио денеска соопшти дека официјално се раздели со поранешниот тренер Маурицио Сари и за нов шеф на стручниот штаб го назначи неговиот асистент Џовани Мартушиело.
Поради лошите резултати во Серија А и несогласувањата со раководството на клубот, Сари ги напушти римјаните по речиси три години, а Мартушиело до крајот на сезоната ќе биде на клупата на осминафиналистот во Лигата на шампионите.
Мартушиело заедно со Сари дојде во редовите на „небесно-сините“, а во текот на кариерата 54-годишниот тренер беше само во Емполи во сезоната 2016/17.
Лацио моментно се наоѓа на деветтото место во италијанското првенство и е во лоша серија од три последовни порази, додека во Лигата на шампионите беше елиминиран од Баерн Минхен.
